సంక్రాంతి సినిమాల హంగామా థియేటర్స్ దగ్గర దాదాపు పూర్తైంది. ‘సంక్రాంతికి వస్తున్నాం’సినిమా మాత్రం దుమ్ము దులిపుతోంది. ఈ వీకెండ్ కూడా.. ఈ సినిమాదే హ‌వా. ఇక కొత్త నెల ఫిబ్ర‌వ‌రి వచ్చేసింది. కొత్త నెలలో కొత్త సినిమాలు క్యూ క‌డుతున్నాయి. ఫిబ్ర‌వ‌రి తొలి వారంలో 3 సినిమాలు రిలీజ్‌కు సిద్ధ‌మ‌య్యాయి. అవేమిటో చూద్దాం.
వాటిలో ‘తండేల్‌’పైనే అంద‌రి దృష్టీ వుంది.
నాగ‌చైత‌న్య – సాయి ప‌ల్ల‌వి జంట‌గా న‌టించిన సినిమా తండేల్‌. చందూ మొండేటి ద‌ర్శ‌క‌త్వం వ‌హించారు. గీతా ఆర్ట్స్ నిర్మించింది. ప్రేమ, దేశ‌భ‌క్తి మిక్స్ చేసిన క‌థ ఇది. దేవిశ్రీ ప్ర‌సాద్ అందించిన పాట‌లు ఆక‌ట్టుకొంటున్నాయి.
ఇదేవారం అజిత్ ‘ప‌ట్టుద‌ల’` రిలీజ్ కానుంది. యాక్ష‌న్ ప్రియుల‌కు ‘ప‌ట్టుద‌ల’ మంచి ఆప్ష‌నే.
పూరి సోద‌ర‌రుడు సాయిరామ్ శంక‌ర్ సినిమా ‘ఒక ప‌ధ‌కం ప్ర‌కారం’ ఈ వార‌మే వ‌స్తోంది. విల‌న్ ఎవ‌రో ఊహించిన వాళ్ల‌కు ప‌ది వేలు ఇస్తామంటూ చిత్ర‌బృందం చేస్తున్న వినూత్న ప్ర‌చారం ఈ సినిమా ప్ర‌మోష‌న్ల‌కు ఉప‌యోగ‌ప‌డుతోంది.
